Զանգվածային ծեծկռտուք է տեղի ունեցել Մոսկվայում

Ուզբեկստանից և Ղրղզստանից ներգաղթյալները զանգվածային ծեծկռտուք են կազմակերպել Մոսկվայի հարավ-արևելքում գտնվող Տեքստիլագործների թաղամասում։ Այդ մասին հայտնել է Interfax-ը։

Գործակալության զրուցակցի խոսքով՝ միգրանտների միջեւ կոնֆլիկտը տեղի է ունեցել Ամանորի գիշերը։ Նախնական տվյալներով՝ ծեծկռտուքի պատճառ է դարձել անձնական թշնամանքը։ Ընդհանուր առմամբ ծեծկռտուքին մասնակցել են Ուզբեկստանի երեք և Ղրղզստանի տասը քաղաքացիներ։ Երեք մարդ դանակահարվել է։

Ոստիկանությանը հաջողվել է բերման ենթարկել բախման մասնակցած ինն անձի, որոնք բոլորն էլ Ղրղզստանից են։ Միջադեպի առնչությամբ կազմվել են վարչական արձանագրություններ՝ օտարերկրյա քաղաքացու կամ քաղաքացիություն չունեցող անձի կողմից Ռուսաստանի Դաշնությունում գտնվելու ռեժիմը խախտելու հոդվածով։