Ղազախստանում հայտնաբերվել են օմիկրոն շտամով վարակման առաջին դեպքերը

Ղազախստանում կորոնավիրուսի նոր՝ օմիկրոն շտամ է հայտնաբերվել ութ նմուշներում, այդ թվում՝ յոթ նմուշ Ալմաթիում և մեկը՝ Նուր-Սուլթանում, հայտնել են երկրի առողջապահության նախարարությունից:

Գերատեսչությունը հիշեցրել է, որ օմիկրոն շտամի առանձնահատկություններն են բարձր վարակելիությունը, կրկնակի վարակման ռիսկի բարձրացումը։ Վերին շնչուղիներում, որտեղ վիրուսն առաջինն է մտնում, օմիկրոնը 70 անգամ ավելի արագ է բազմանում, քան դելտա տարբերակը:

Առողջապահության համաշխարհային կազմակերպության տվյալներով՝ հունվարի 6-ի դրությամբ օմիկրոն շտամը հայտնաբերվել է աշխարհի 126 երկրում։