Ոչ մեկին պարտք չենք, ոչ մեկին ոչինչ չենք տա. Զելենսկին պատասխանել է Ռուսաստանին
Ուկրաինայի նախագահ Վլադիմիր Զելենսկին հայտարարել է, որ Ուկրաինան ոչ մեկին չի զիջի իր տարածքները, բայց միևնույն ժամանակ հավատարիմ է մնալու իրավիճակի կարգավորման հարցում դիվանագիտական և խաղաղ ճանապարհին։
Տեսաուղերձում նախագահն ընդգծել է, որ Ուկրաինայի միջազգայնորեն ճանաչված սահմանները կմնան նույնը՝ չնայած Ռուսաստանի գործողություններին։
«Ուկրաինան Ռուսաստանի Դաշնության վերջին գործողությունները միանշանակ մեր պետության ինքնիշխանության և տարածքային ամբողջականության խախտում է»,- ասել է Ուկրաինայի նախագահը։
Նրա խոսքով՝ այդ որոշումների հետեւանքների ողջ պատասխանատվությունը կրում է Ռուսաստանի քաղաքական ղեկավարությունը։
«Դոնեցկի և Լուգանսկի օկուպացված շրջանների անկախության ճանաչումը կարող է նշանակել Ռուսաստանի միակողմանի դուրս գալ Մինսկի համաձայնագրերից և անտեսում Նորմանդական ձևաչափի շրջանակներում ընդունված որոշումների»,- ասել է Զելենսկին։ Նա ընդգծել է, որ դա խաթարում է խաղաղության ջանքերը և ոչնչացնում բանակցային ձևաչափերը։
«Մենք հավատարիմ ենք իրավիճակի կարգավորման հարցում խաղաղ և դիվանագիտական ճանապարհին և գնալու ենք միայն այդ ուղղությամբ։ Մենք մեր հողի վրա ենք, մենք ոչնչից և ոչ մեկից չենք վախենում, ոչ մեկին պարտք չենք, ոչ մեկին ոչինչ չենք տա: Մենք դրանում համոզված ենք, քանի որ այսօր ոչ թե 2014 թվականի փետրվարն է, այլ 2022-ի։ Այլ երկիր, այլ բանակ, մեկ նպատակ։ Փառք Ուկրաինային»,- եզրափակել է Զելենսկին։
