Սինգապուրի ԱԳՆ-ն իր քաղաքացիներին հորդորում է անհապաղ լքել Ուկրաինան
Սինգապուրի ԱԳՆ-ն խորհուրդ է տվել իր քաղաքացիներին անհապաղ լքել Ուկրաինան։
«Լարվածությունն Ուկրաինայում և դրա հարակից տարածաշրջանում աճում է։ Ուկրաինայում Սինգապուրի քաղաքացիներին խորհուրդ է տրվում հրատապ լքել այդ երկիրը»,-ասվում է հաղորդագրության մեջ։
Նշվում է, որ զինված հակամարտության առաջացման դեպքում Սինգապուրի ԱԳՆ-ը չի կարող օգնել Ուկրաինայում գտնվող քաղաքացիներին, քանի որ Սինգապուրը սեփական դիվանագիտական առաքելություն չունի այդ երկրում։
