Շվեյցարացի զինծառայողներին արգելվել է օգտվել մի քանի մեսենջերներից

Շվեյցարիայի զինված ուժերի ղեկավարությունը զինծառայողներին արգելել է օգտվել Telegram, WhatsApp և Signal մեսենջերներից՝ թույլատրելով օգտագործել միայն շվեյցարական Threema ծրագիրը, հայտնում է Swissinfo-ն։

Այս որոշման պատճառներից մեկը եղել է «տեղեկատվական անվտանգության ապահովման անհրաժեշտությունը»։

Threema-ն աշխատում է տվյալների անվտանգության վերաբերյալ Եվրոպական միության կանոնակարգերին համապատասխան:

Մինչդեռ, ըստ վերջին հարցումների, WhatsApp-ը շարունակում է ամենահայտնի ակնթարթային հաղորդագրությունների հավելվածը մնալ Շվեյցարիայում 16-64 տարեկան մարդկանց համար: