Շառլ Միշելը կհանդիպի Հայաստանի և Ադրբեջանի ղեկավարների հետ
Եվրոպական խորհրդի ղեկավար Շառլ Միշելը դեկտեմբերի 14-ին Բրյուսելում հանդիպումներ կունենա Նիկոլ Փաշինյանի և Իլհամ Ալիևի հետ։
Ինչպես հայտնում է «ТАСС»՝ այս մասին այսօր ասել է ԵՄ բարձրաստիճան ներկայացուցիչը։
«Եվրոպական խորհրդի նախագահը վաղը երկկողմ հանդիպումներ կունենա Հայաստանի վարչապետի և Ադրբեջանի նախագահի հետ։ Վաղը երեկոյան նա նաև եռակողմ հանդիպում կանցկացնի նրանց հետ»,- նշել է նա։
ԵՄ «Արևելյան գործընկերության» գագաթնաժողովը տեղի կունենա Բրյուսելում դեկտեմբերի 15-ին ։
