ՌԴ-ն և Չինաստանը դեմ են ՆԱՏՕ-ի հետագա ընդլայնմանը
Ռուսաստանն ու Չինաստանը կառուցել են նոր տիպի հարաբերություններ, որոնք գերազանցում են «սառը պատերազմի» ժամանակաշրջանի ռազմաքաղաքական դաշինքներին. այդ մասին ասվում է ՌԴ նախագահ Վլադիմիր Պուտինի և Չինաստանի նախագահ Սի Ծինփինի համատեղ հայտարարության մեջ, որն ընդունվել է ՌԴ ղեկավարի Պեկին կատարած այցի ընթացքում. գրում է TASS-ը։
Մոսկվան և Պեկինը խորապես մտահոգված են միջազգային անվտանգության ոլորտում առկա մարտահրավերներով և վստահ են, որ ոչ մի պետություն չի կարող և չպետք է ապահովի իր անվտանգությունն ուրիշների հաշվին։
Ռուսաստանը և Չինաստանը դեմ են ՆԱՏՕ-ի հետագա ընդլայնմանը և դաշինքին կոչ են անում հրաժարվել «սառը պատերազմի» մոտեցումներից: Պեկինը հասկանում և աջակցում է Եվրոպայում անվտանգության երկարաժամկետ երաշխիքների ձևավորման ռուսական առաջարկներին:
Մոսկվան և Պեկինը Վաշինգտոնին կոչ են անում հրաժարվել Եվրոպայում և Ասիա-Խաղաղօվկիանոսյան տարածաշրջանում ցամաքային միջին և փոքր հեռահարության հրթիռներ տեղակայելու ծրագրերից և կամրապնդեն համակարգումն այս հարցում. ասված է հայտարարությունում:
