Քանի հարցի է պատասխանել ՌԴ նախագահը․ ասուլիսը տևել է 4 ժամ
ՌԴ նախագահ Վլադիմիր Պուտինի մեծ ասուլիսը տևել է երեք ժամ 56 րոպե, երկրի ղեկավարն այդ ընթացքում պատասխանել է 55 հարցի:
Միջոցառումը տեղի է ունեցել «Մանեժ» կենտրոնական ցուցասրահում: Այս տարի միջոցառմանը հավատարմագրվել է տարբեր պարբերականների և հեռուստաալիքների 507 ներկայացուցիչ, այդ թվում՝ արտասահմանյան և տարածաշրջանային:
Պուտինին հարց է ուղղել 17 լրագրող ռուսական դաշնային ԶԼՄ-ներից, 19 թղթակից մարզերից, արտասահմանյան պարբերականների 4 աշխատակից, երկու բլոգեր:
Անցյալ տարի մամուլի ասուլիսը տևել է 4 ժամ 29 րոպե, որի ընթացքում ՌԴ ղեկավարը պատասխանել էր 60 հարցի: Այն ժամանակ համավարակի պատճառով միջոցառումն անցել էր տեսաժողովի ձևաչափով:
