Նիգերիայի ափերի մոտ նավթարդյունահանող նավի վրա պայթյուն է որոտացել (տեսանյութ)

Նիգերիայի ափերի մոտ Նիգերիայի Shebah E&P ընկերությանը պատկանող Trinity Spirit նավթարդյունահանող նավի վրա հրդեհ և պայթյուն է տեղի ունեցել. հաղորդում Է Daily Trust թերթը ՝ վկայակոչելով ընկերության հայտարարությունը:

«Այս պահին զոհվածների մասին չի հաղորդվում, բայց հաստատում ենք, որ նախքան միջադեպը նավում եղել է 10 մարդ», - ասված է ընկերության հայտարարության մեջ:

Աղբյուրի փոխանցմամբ՝ նավը գտնվում է Նիգերիայի Դելտա հարավային նահանգի ափերի մոտ: Միջադեպը խուճապ է առաջացրել աշխատողների շրջանում, որոնք աշխատում են մերձակա նավթային այլ հարթակներում:

Առաջինը օգնության են հասել ձկնորսները։ Սակայն կրակը նրանց թույլ չի տվել մոտենալ բոցավառվող նավին։ Ամերիկյան Chevron ընկերության և այլ բազմազգ նավթային ընկերության փրկարարները փորձել են օգնել:

Պատահարի հետևանքով անձնակազմի անդամները և նավթի արդյունահանման նախագծի թիմը համարվում են անհետ կորած:

Bloomberg գործակալության տվյալներով՝ նավի վրա կարող է լինել մոտ երկու միլիոն բարել նավթ։