Իլոն Մասկը ցանկանում է գնել ամենահայտնի ֆուտբոլային ակումբներից մեկը

Աշխարհի ամենահարուստ մարդը՝ Իլոն Մասկը դիտարկում է ֆուտբոլային աշխարհի մուտք գործելու հնարավորությունը։ Մասկը մտածում է Անգլիայի Պրեմիեր լիգայի թոփ ակումբներից մեկը գնելու մասին։

Իլոնի հայրը՝ Էռոլ Մասկը, Times Radio-ին տված հարցազրույցում նշել է, որ առայժմ չի կարող մեկնաբանել այս հարցը, սակայն իր որդին ցանկություն է հայտնել գնել «Լիվերպուլը»: Այնուամենայնիվ, դա չի նշանակում, որ գործարքը կիրականացվի:

«Չեմ կարող մեկնաբանություններ տալ, սակայն Իլոնը ցանկություն ունի գնելու «Լիվերպուլը»։ Բոլորս ենք դա ցանկանում։ Նրա տատիկը ծնվել է Լիվերպուլում, մենք այնտեղ շատ հարազատներ ունենք։ Մեզ բախտ է վիճակվել ճանաչել The Beatles-ի շատ անդամների, որովհետև նրանք մեծացել են իմ ընտանիքի որոշ անդամների հետ»,- նշել է Իլոնի հայրը։