Կիև է ժամանել ԱՄՆ-ի ռազմական օգնությամբ ևս 2 ինքնաթիռ

Կիև է ժամանել ևս 2 ինքնաթիռ` բեռնված ԱՄՆ-ի ռազմական օգնությամբ. հայտարարել է Ուկրաինայի պաշտպանության նախարար Ալեքսեյ Ռեզնիկովն իր թվիթերյան էջում՝ նշելով, որ սպառազինության կազմում ներառված են հակատանկային հրթիռային Javelin համալիրներ։

Ուղարկված բեռի քաշը կազմում է մոտ 130 տոննա։

Ռեզնիկովի խոսքով՝ սա ԱՄՆ-ի կողմից Ուկրաինա ուղարկված 15-րդ ինքնաթիռն է։ Ընդհանուր առմամբ մատակարարվել է ավելի քան 1200 տոննա օգնություն։ Նախարարը հայտնել է, որ մատակարարումները շարունակվելու են։