Կամերունում ֆուտբոլային խաղի ժամանակ հրմշտոց է սկսվել․ կան զոհեր (տեսանյութ)
Կամերունի մայրաքաղաք Յաունդեում առնվազն 6 մարդ է զոհվել, 40-ը՝ վիրավորվել, Կամերունի և Կոմորյան կղզիների հավաքականների միջև Աֆրիկայի ազգերի գավաթի խաղի ժամանակ սկսված հրմշտոցի հետևանքով. հայտնում է АР-ն։
Խաղն անցկացվել է Օլեմբե մարզադաշտում։ Մեկնարկից առաջ դարպասների մոտ հրմշտոց է սկսվել հանդիսականների մեծ հոսքի պատճառով։
Մոտ 50 հազար երկրպագուներ ցանկացել են հայտնվել մարզադաշտում, որը կարող է տեղավորել 60 հազար հանդիսականի, սակայն, համաձայն կորոնավիրուսային սահմանափակումների, արենան կարող էր լցվել 80 տոկոսից ոչ ավելի։
Զոհերի թիվը կարող է ավելանալ, քանի որ տուժածների թվում կան ծանր վիճակում գտնվողներ։
