Վրաստանի նախկին վարչապետ Իրակլի Ղարիբաշվիլին լքում է իշխող կուսակցությունը
- anigevorgn
- Dec 3, 2024
- 1 min read
«Վրացական երազանք» կուսակցության նախագահ, նախկին վարչապետ Իրակլի Ղարիբաշվիլին հեռանում է քաղաքականությունից և կզբաղվի բիզնեսով, հայտնում է «Պիրվելի» հեռուստաընկերությունը՝ հղում անելով սեփական աղբյուրներին։
«Վրացական երազանք» կուսակցության նախագահը, ըստ մեզ հասած տեղեկությունների, պատրաստվում է հայտարարել, որ մտադիր է զբաղվել բիզնեսով։
«Վրացական երազանք»-ի առաջնորդները Ղարիբաշվիլիին առաջարկում են պաշտոնապես մնալ թիմում և խնդրում են բողոքի ցույցերի ֆոնին հայտարարություններ չանել։ Անհայտ է, թե ինչ որոշում կընդունի Ղարիբաշվիլին»,- հայտնում է Грузия Online-ը։
«Ուզում ենք հիշեցնել, որ վարչապետի պաշտոնից ազատվելուց հետո Իրակլի Ղարիբշվիլին ստանձնեց «Վրացական երազանք» կուսակցության նախագահի պաշտոնը։ Սակայն նա չի մասնակցել կուսակցական գործունեությանը և ելույթ է ունեցել միայն նախընտրական ժողովներին։
Հիշեցնենք, որ Իրակլի Ղարիբաշվիլին ներկա է եղել ոչ լեգիտիմ խորհրդարանի առաջին նիստին, որից հետո այլևս չի ներկայացել։ Ոչ լեգիտիմ խորհրդարանի մեծամասնության ղեկավար Մամուկա Մդինարաձեն հայտարարել է, որ Ղարիբաշվիլին պատրաստվում է հրաժարվել իր մանդատից։
Այս փուլում կուսակցության մամուլի ծառայությունը Ղարիբաշվիլիի հեռանալը չի հաստատում »,-հայտնել է հեռուստաալիքը։
21:49 19.04.2025
19:32 19.04.2025