Երբ ասում ենք «մաքուր», «կեղտոտ» աշխատավարձ, դրանով հարկի նկատմամբ վերաբերմունք ենք արտահայտում. սա պրոբլեմ է. Փաշինյան
- anigevorgn
- Dec 5, 2024
- 1 min read
Մեր խոսույթի մեջ էդպիսի ժարգոնային բան կա չէ՞, երբ ասում ենք «մաքուր», թե «կեղտոտ» աշխատավարձն է այդքան, կառավարության նիստի ժամանակ ասաց վարչապետ Նիկոլ Փաշինյանը:
Եկեք մի հատ վերլուծենք, թե սա ինչ է նշանակում: «Կեղտոտ»-ը գիտե՞ք որն է, որ հարկը մեջն է, այսինքն՝ մենք ստանում ենք 100 հազար դրամ աշխատավարձ, դրանից պետք է վճարենք 20 տոկոս եկամտային հարկ: Ու այստեղ հարկի նկատմամբ վերաբերմունք է արտահայտում դա: Սա լուրջ խնդիր է, մենք չենք ֆիքսում դա: Հետո այստեղից հարկ վճարելու նկատմամբ վերաբերմունքն է ձևավորվում: Այդ եկամտային հարկը գնում է բյուջե՝ ծառայում քոլեջի, ճանապարհի կառուցմանը: Սա ընտանեկան բյուջեի տրամաբանության շատ վառ արտահայտումն է: Սա էլ է պետության և ապապետության արանքում, ո՞նց կարող ես դու քո պետության համար գումարի մասհանումն այդպիսի վերնագրի ներքո ներկայացնել և նման բառապաշարով ներկայացնել: Բայց մենք դա անում ենք»: