Բորելը քննադատել է Ադրբեջանի նախագահին Ֆրանսիայի եւ Նիդեռլանդների դեմ հարձակումների համար
- anigevorgn
- Nov 14, 2024
- 1 min read
ԵՄ արտաքին եւ անվտանգության քաղաքականության բարձրագույն ներկայացուցիչ Ժոզեպ Բորելը քննադատել է Ադրբեջանի նախագահ Իլհամ Ալիեւին Ֆրանսիայի եւ Նիդեռլանդների վրա հարձակումների համար՝ կապված անդրծովյան տարածքների հետ։ Այս մասին Բորելը գրել է X-ում։
Նա նշել է, որ Ալիեւի քննադատական ելույթները Ֆրանսիայի եւ եւ Նիդեռլանդների հասցեին «խոր ափսոսանք» են առաջացնում։
«Այդ անընդունելի հայտարարությունները վտանգում են խափանել կոնֆերանսի կենսականորեն կարեւոր կլիմայական նպատակները եւ վստահությունը COP29-ում Ադրբեջանի նախագահության հանդեպ»,- նշել է եվրոպացի դիվանագետը։
Նա ավելացրել է, որ ԵՄ-ում նաեւ հերքում են Ադրբեջանի իշխանությունների հարձակումները ԶԼՄ-ների եւ ոչ կառավարական կազմակերպությունների վրա, որոնք լուսաբանում են երկրում մարդու իրավունքների ծայրահեղ վիճակը։
Նախօրեին Ալիեւը Ֆրանսիային մեղադրել էր այն բանում, որ նա պահում է միջերկրածովյան Կորսիկա կղզին եւ Փարիզի անդրծովյան տարածքները «գաղութատիրական լծի տակ»։
Ադրբեջանի նախագահի խոսքով՝ Ֆրանսիան «հանցագործություններ» է կատարում եւ «խախտում է մարդու իրավունքները անդրծովյան տարածքներում»։ Դրանց շարքում նա նշել է Նոր Կալեդոնիան, որը Խաղաղ օվկիանոսի հարավային մասում է, որտեղ վիճելի ընտրական ռեֆորմի պատճառով գարնանը բողոքներ բռնկվեցին եւ սպանվեց 13 մարդ։
Նիդեռլանդները նույնպես արժանացել է Ալիեւի քննադատությանը անդրծովյան տարածքներ պահելու համար։
Ադրբեջանի նախագահի արտահայտությունների հետ կապված՝ Ֆրանսիան որոշել է անտեսել ՄԱԿ կլիմայական գագաթաժողովը, որը տեղի է ունենում Բաքվում։