«Տեսանելի ապագայում մեզ ցավոտ իրադարձություններ են սպասվում»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «Հիշե՛ք, սրանք երբեք հենց այնպես ոչինչ չեն ասում: Սրանց ասածները հանրության տրամադրությունը շոշափելու նպատակ են հետապնդում: Այնուհետև, սրանց ասածներից հետո 1-2 օր անց նմանօրինակ մի բան է ասում նաև Փաշինյան Նիկոլը: Վերջինիս ասելուց որոշ ժամանակ անց Հայաստանի համար ինչ-որ ցավոտ իրադարձություն իրականություն է դառնում:

Ուրեմն, մի քանի օր առաջ Աղազարյան Հովիկն ասաց` «Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր»:

Այսօր Փաշինյան Նիկոլը շարունակեց` «Երբ Դիլիջանում ենք ապրում, բայց ասում ենք՝ վանեցի եմ, Դիլիջանը կորցնում ենք, միջանցք ենք բացում, որ ասեն՝ էդտեղ մարդ չկա բնիկ, ստեղից-էնտեղից եկած են, սա էլ հին թուրքական, ադրբեջանական քաղաք ա։ Եվ կորցնում ենք մեր պետությունը, մենք կորցրել ենք մեր պետությունը։ Այս նախադասությունը երկար ժամանակ չէի ուզում ասել, բայց պիտի ասեմ»:

Սրանց ասածների պարզ համադրությունից, հիմք ընդունելով նախադեպերը, վստահեցնում եմ` տեսանելի ապագայում (շուտով) մեզ ցավոտ իրադարձություններ են սպասվում:

Հետևեք իրադարձությունների զարգացմանը, կներեք, սրանց ասածներին և պատրաստվեք»։