Իրանական ինքնաթիռը թռիչքի մեկնարկից րոպեներ անց հարկադիր վայրէջք է կատարել Շիրազի օդանավակայանում

Իրանական Aseman ավիաընկերության ինքնաթիռը, որը չվերթ էր իրականացնում Շիրազ քաղաքից դեպի Մասկատ, հարկադիր վայրէջք է կատարել շարժիչի բռնկման պատճառով. այդ մասին հայտնում է РИА Новости-ն՝ հղում անելով իրանական պետական հեռուստաալիքին:

«Aseman ավիաընկերության ինքնաթիռը, որը իրականացնում էր Շիրազ-Մուսկատ չվերթը, օդ բարձրանալուց րոպեներ անց շարժիչի բռնկման պատճառով ստիպված է եղել վերադառնալ օդանավակայան Շիրազում», - ասվում է հեռուստաալիքի հայտարարության մեջ: