Ինդոնեզիայում 6 մագնիտուդով երկրաշարժ է գրանցվել

Եվրոպական միջերկրածովյան սեյսմոլոգիական կենտրոնի (EMSC) տվյալներով՝ Ինդոնեզիայի ափերի մոտ 6,0 մագնիտուդ ուժգնության երկրաշարժ է տեղի ունեցել։

Ստորգետնյա ցնցումների էպիկենտրոնը գտնվել է ինդոնեզական Տոբելոյից 268 կիլոմետր դեպի հյուսիս։ Օջախը գտնվել է 33 կիլոմետր խորության վրա։

Զոհերի և ավերածությունների մասին տեղեկություններ չեն հաղորդվում։