Վահան Բիչախչյանը հեռացել է «Պոգոն»-ից
Հայաստանի ազգային հավաքականի կիսապաշտպան Վահան Բիչախչյանը հեռացել է լեհական «Պոգոնից», հայտնում է ակումբի մամուլի ծառայությունը։
25-ամյա խաղացողը ակումբի թույլտվությամբ հեռացել է Թուրքիայի Բելեկ քաղաքում անցկացվող ուսումնամարզական հավաքից։ Վահանն այս պահին բուժզննում է անցնում նոր ակումբին միանալու համար, որի անունը դեռևս հայտնի չէ։
25-ամյա կիսապաշտպանը «Պոգոնում» հանդես է գալիս 2022 թվականից։ Այս ընթացքում նա լեհական ակումբի կազմում անցկացրած 112 խաղում դարձել է 18 գոլի և 12 գոլային փոխանցման հեղինակ։
