ՌԴ Կրասնոդարի երկրամասում անօդաչուի բեկորների ընկնելու հետեւանքով տարհանում է իրականացվել
Անօդաչուի բեկորների ընկնելու հետեւանքով Կրասնոդարի երկրամասի Տիխորեցկի շրջանում տարհանում է իրականացվել, տեղեկացրել է նահանգապետ Վենիամին Կոնդրատեւը։
Նրա խոսքով՝ գիշերը Տիխորեցկի շրջանը ենթարկվել է ուկրաինական ուժերի գրոհին։ Երկու անօդաչու խփվել է ՀՕՊ եւ ռադիոէլեկտրոնային պայքարի ուժերի կողմից։ Բեկորների ընկնելու պատճառով հրդեհ է սկսվել, որը փոխանցվել է պայթյունավտանգ առարկաներին։ Սկսվել է դետոնացիա։
«Այժմ անվտանգության նպատակներով իրականացվում է գյուղի բնակիչների ժամանակավոր տարհանում։ Տիխորեցկում բացվել է ժամանակավոր տեղակայման կետ։ Հրշեջ վերակարգերը եւ հատուկ ծառայություններն աշխատում են պատահարի վայրում։
Իմ հանձնարարությամբ տեղում է գտնվում շրջանի ղեկավար Անատոլի Պերեպելինը, նա զեկուցում է իրավիճակի մասին։ Նախնական տեղեկատվությամբ՝ շրջանի բնակիչների շրջանում տուժածներ չկան»,- տեղեկացրել է նահանգապետը։
