Մյանմարի երկրաշարժի զոհերի թիվը հասել է 3354-ի, 220 մարդ անհետ կորած է համարվում
- anigevorgn
- 1 day ago
- 1 min read
Մյանմարում ավերիչ երկրաշարժի զոհերի թիվը հասել է 3354-ի, 4850-ը վիրավորվել է, 220-ը՝ անհետ կորել, հայտնում է Reuters-ը։
Մյանմարի ռազմական կառավարության ղեկավար, ավագ գեներալ Մին Աունգ Հլայնգը մայրաքաղաք է վերադարձել հազվադեպ արտասահմանյան ուղևորությունից հետո, որպեսզի Բանգկոկում մասնակցի Հարավային և Հարավարևելյան Ասիայի երկրների գագաթնաժողովին, որտեղ նա առանձին հանդիպումներ է ունեցել նաև Թաիլանդի, Նեպալի, Բութանի, Շրի Լանկայի և Հնդկաստանի ղեկավարների հետ:
Մոդին կոչ է արել Մյանմարի երկրաշարժից հետո քաղաքացիական պատերազմում հրադադարը մշտական դարձնել և հայտարարել, որ ընտրությունները պետք է լինեն «համպարփակ և վստահելի», ուրբաթ օրը հայտնել է Հնդկաստանի արտաքին գործերի նախարարության խոսնակը:
2021 թվականին Նոբելյան դափնեկիր Աուն Սան Սու Չժիի ընտրված քաղաքացիական կառավարության տապալումից ի վեր, զինվորականները պայքարում են Մյանմարի կառավարման համար, սակայն տնտեսությունը և հիմնական ծառայությունները, ներառյալ առողջապահությունը, ավերվել են, իսկ իրավիճակն ավելի է խորացել մարտի 28-ի երկրաշարժից հետո:
Հեղաշրջմանը հաջորդած քաղաքացիական պատերազմը, ըստ ՄԱԿ-ի տվյալների, հանգեցրել է ավելի քան 3 միլիոն մարդու տեղահանության, սննդի համատարած պակասի, իսկ բնակչության ավելի քան մեկ երրորդը մարդասիրական օգնության կարիք ունի: