Թրամփը կրկին կոչ է անում Պուտինին «դադարեցնել կրակոցները» և «գործարք» կնքել
- Ani
- 8 hours ago
- 1 min read
ԱՄՆ նախագահ Դոնալդ Թրամփը կրկին կոչ է արել Ռուսաստանի նախագահ Վլադիմիր Պուտինին ցուցաբերել խաղաղության նկատմամբ նվիրվածություն և դադարեցնել մարտական գործողությունները Ուկրաինայում։
«Ես ուզում եմ, որ նա դադարեցնի կրակոցները, նստի և ստորագրի համաձայնագիրը», - լրագրողներին ասել է Թրամփը։ «Կարծում եմ՝ մենք ունենք գործարք կնքելու պայմանները, և ես ուզում եմ, որ նա ստորագրի այն, ավարտի սա և պարզապես վերադառնա [նորմալ] կյանքին»։
Թրամփը շաբաթավերջին հայտարարել է, որ Պուտինը «վերջին մի քանի օրերի ընթացքում ոչ մի պատճառ չուներ հրթիռներ արձակելու քաղաքացիական տարածքների, քաղաքների և ավանների վրա։ Սա ինձ մտածելու տեղիք է տալիս, որ գուցե նա չի ուզում դադարեցնել պատերազմը», - գրել է նա իր սոցցանցերում։
Թրամփը նաև գիշերը հայտարարել է, որ շաբաթ օրը Վատիկանում Ուկրաինայի նախագահ Վլադիմիր Զելենսկու հետ իր հանդիպումը «լավ է անցել»։
«Կարծում եմ՝ հանդիպումը լավ անցավ։ Տեսնենք, թե ինչ կլինի հաջորդ մի քանի օրերին։ Մենք կարող ենք շատ նոր բաներ սովորել։ Ես շատ հիասթափված էի, որ հրթիռները ռուսական կողմից էին», - ասել է Թրամփը։
Նա հավելել է, որ կարծում է, որ Զելենսկին հետաքրքրված է խաղաղության համաձայնագրի կնքմամբ։