Հանդիպել են Շառլ Միշելն ու Իլհամ Ալիևը․ մանրամասներ
Դեկտեմբերի 14-ին կայացել է Ադրբեջանի նախագահ Իլհամ Ալիևի հանդիպումը Եվրոպական միության խորհրդի նախագահ Շառլ Միշելի հետ: Այդ մասին հայտնում են ադրբեջանական լրատվամիջոցները:
ԵՄ խորհրդի նախագահը դիմավորել է Ադրբեջանի ղեկավարին, որից հետո նրանք միասին լուսանկարվել են:
«Հանդիպման ընթացքում նշվել է Ադրբեջանի և Հայաստանի միջև հարաբերությունների կարգավորման հարցում ԵՄ-ի աջակցությունը։ Զրույցի ընթացքում քննարկվել են հայ-ադրբեջանական սահմանի սահմանազատման և սահմանագծման հարցեր, տեղի է ունեցել մտքերի փոխանակում հաղորդակցությունների բացման, մարդասիրական հարցերի շուրջ»,- ասված է հաղորդագրության մեջ։
