Գերմանիայում բեռնատարը մխրճվել է ամերիկյան բանակի ավտոշարասյան մեջ. կան վիրավորներ (տեսանյութ)
Բավարիայում 8 մարդ, այդ թվում՝ ամերիկացի զինվորականներ, հոսպիտալացվել են ամերիկյան բանակի մեքենաների մասնակցությամբ վթարի հետևանքով։ РИА Новости գործակալության փոխանցմամբ՝ այդ մասին հաղորդում է Bayerischer Rundfunk հեռուստառադիոընկերությունը:
Վթարը տեղի է ունեցել Պասաու-Նյուրնբերգ A3 մայրուղու վրա։ Բեռնատարը մխրճվել է ճանապարհի եզրին կայանած չորս մեքենաներից բաղկացած զինվորական շարասյան մեջ: Մեքենաների շարքում եղել են նաև բենզատարներ։ Երկու մեքենա այրվել է։
«Ամերիկյան բանակի բազմաթիվ անդամներ տուժել են», - Bayerischer Rundfunk-ին հայտնել է ոստիկանության ներկայացուցիչը:
Հստակեցվում է, որ նրանք հոսպիտալացվել են շմոլ գազից թունավորումով։ Բեռնատարի վարորդի վիճակը հստակեցվում է։ Հայտնի չէ նաև, թե ինչու է ավտոշարասյունը կանգնել ճանապարհի եզրին։
Մայրուղին երկու ուղղություններով փակվել է։
