ԵՄ-ն աջակցում է Հայաստանի և Թուրքիայի միջև հարաբերությունների կարգավորմանը. Տոյվո Կլաար

Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը Twitter-ի իր միկրոբոլգում անդրադարձել է Հայաստանի և Թուրքիայի հատուկ ներկայացուցւչների հանդիպմաը՝ նշելով.

«Ողջունելի լուրեր.

Հայաստանի և Թուրքիայի միջև հարաբերությունների նորմալացումը և հաղորդակցությունների բացումը կարևոր նպատակ է, որին Եվրամիությունն ամբողջությամբ աջակցում է»։

Հիշեցնենք, որ Հայաստանի և Թուրքիայի պատվիրակությունները ժամանել են Մոսկվայում ՌԴ ԱԳՆ ընդունելությունների տուն, որտեղ կկայանա երկու երկրների հատուկ ներկայացուցիչների առաջին հանդիպումը՝ երկկողմ հարաբերությունների կարգավորման շուրջ:

Հայաստանի հատուկ ներկայացուցիչը Հայաստանի խորհրդարանի փոխնախագահ Ռուբեն Ռուբինյանն է, իսկ Թուրքիայինը՝ ԱՄՆ-ում նախկին դեսպան Սերդար Քըլըչը։