top of page

Եղիսաբեթ 2-րդի որդին կարող է զրկվել տիտղոսից բռնաբարության մեջ մեղադրվելու պատճառով


Մեծ Բրիտանիայի թագուհի Եղիսաբեթ 2-րդի որդին՝ Յորքի դուքս Էնդրյուն, կարող է զրկվել Ձերդ Մեծության տիտղոսն օգտագործելու իրավունքից։ Այդ մասին գրում է ТАСС-ը։


Միապետը կարող է նման որոշում կայացնել, եթե արքայազն Էնդրյուն ամերիկյան դատարանում պարտվի 17-ամյա աղջկա բռնաբարության գործը:


Այնուհետև արքայազնին սպառնում է հավերժական ներքին աքսոր՝ Միացյալ Նահանգներ արտահանձնման սպառնալիքի պատճառով Միացյալ Թագավորությունը լքելու անհնարինություն, Վինձոր ամրոցի մոտ գտնվող «The Royal Lodge» կալվածքից դուրս համեստ կյանք, պաշտոնական կոչումից և զինվորական կոչումներից հրաժարվելը:


Ջուֆրեի գործով հերթական դատական նիստը տեղի կունենա Նյու Յորքի հարավային շրջանի դատարանում հունվարի 4-ին: Պաշտպանությունը փորձում է դադարեցնել ԱՄՆ-ում գործի քննությունը, քանի որ հայցվորն Ավստրալիայում արդեն վաղուց է ապրում, ինչպես նաև հղում է անում Ջուֆրե-Էփշտեյնի արտադատական համաձայնագրին, երբ կինը հրաժարվել է որոշակի անախորժությունների համար դատական հետապնդումից:


Վիրջինիա Ջուֆրեն ամենահայտնի կանանցից մեկն է, որոնք ավելի վաղ հանդես են եկել արքայազն Էնդրյուի ընկերոջ՝ ֆինանսիստ Ջեֆրի Էփշտեյնի դեմ: Նրան դատապարտել են 40 տարվա ազատազրկման՝ սեռական շահագործման նպատակով անչափահասներին վաճառելու համար։ Արքայազնն այդ ժամանակ գործով վկա է եղել։ Երկու տարի առաջ Էփշտեյնն ինքնասպան է եղել բանտախցում։ Յորքի դուքսը բազմիցս հերքել է Ջուֆրեի հետ սեռական կապի մասին պնդումները, ավելին՝ երբեք նրա հետ չի հանդիպել, իսկ նրանց համատեղ լուսանկարը կեղծիք է: 2019 թվականի նոյեմբերին թագուհու որդին ստիպված էր հրաժարվել պաշտոնական պարտականությունների կատարումից։

1/1815
bottom of page