Ձնամրրիկն առանց էլեկտրականության է թողել ավելի քան 230 հազար մարդու

ԱՄՆ-ի կենտրոնական և արևելյան մասում ձնամրրիկի պատճառով ավելի քան 230 հազար մարդ մնացել է առանց էլեկտրականության. հայտնում է poweroutage.us կայքը։

Աղետից առավել տուժել է Թեննեսի նահանգը, որտեղ առանց լույսի է մնացել ավելի քան 137 հազար մարդ։ Ընդհանուր առմամբ ԱՄՆ-ում խափանում է գրանցվել 232 189 սպառողի մոտ։

Ստեղծված եղանակային բարդ պայմանների պատճառով երկրում չեղարկվել է 4857 ավիաչվերթ։