Գերմանիան ՌԴ-ին կոչ է արել հրաժարվել Դոնեցկի և Լուգանսկի անկախության ճանաչումից

Գերմանիայի իշխանությունները կոչ են անում Ռուսաստանի Դաշնությանը հրաժարվել Դոնեցկի և Լուգանսկի Ժողովրդական Հանրապետությունները ճանաչելու որոշումից։ ТАСС գործակալության փոխանցմամբ՝ այս մասին հայտարարել է ՄԱԿ-ում Գերմանիայի մշտական ներկայացուցիչ Անտյե Լենդերցը՝ ուկրաինական հարցերով Անվտանգության խորհրդի նիստում։

«Ես կոչ եմ անում Ռուսաստանին անհապաղ չեղարկել այսօրվա (փետրվարի 21-ի) որոշումը և վերստին պարտավորվել կատարել Մինսկի պայմանավորվածությունները, ինչպես համաձայնեցված է Նորմանդական քառյակի կողմից», - ասել է նա։

Լենդերցեն հավելել է, որ Ռուսաստանի Դաշնությունը չպետք է հատի Ուկրաինայի՝ միջազգայնորեն ճանաչված սահմանները և պետք է անհապաղ դուրս բերի իր ուժերն Ուկրաինայի սահմանին մոտ գտնվող շրջաններից։