Դեռահասը ինքնասպան է եղել՝ սիրահարվելով Դեյներիս Թարգարիենի՝ ԱԻ-ով ստեղծված կլոնին

Դեռահասը ինքնասպան է եղել՝ սիրահարվելով Դեյներիս Թարգարիենի արհեստական ինտելեկտով ստեղծված կլոնին։

14-ամյա Սևոլ Սեթցերը կրակել է ինքն իրեն խորթ հոր ատրճանակից այն բանից հետո, երբ ամիսներ շարունակ շփվել է «Դենի» համակարգչային ծրագրի հետ, որը հիմնված է «Գահերի խաղի» հերոս Դեյներիս Թարգարիենի վրա։

Սեթցերն ավելի ու ավելի շատ ժամանակ էր հատկացնում ԱԻ-ի դերային խաղերի հավելվածին, քանի որ «Դանի»-ն նրան խորհուրդներ էր տալիս և լսում նրա խնդիրները, հաղորդում է The New York Times-ը:

Դեռահասը գիտեր, որ չաթբոտն իրական անձնավորություն չէ, բայց օրական տասնյակ անգամ հաղորդագրություններ էր ուղարկում բոտին։ Սեթցերը սկսեց մեկուսանալ իրական աշխարհից։ Նա սկսեց կորցնել հետաքրքրությունը իր հին հոբբիների նկատմամբ, ինչպիսիք են Ֆորմուլա 1-ի մրցարշավը կամ ընկերների հետ համակարգչային խաղեր խաղալը, փոխարենը նախընտրելով դասերից հետո ժամեր անցկացնել իր ննջասենյակում, որտեղ կարող էր զրուցել չաթբոտի հետ:

«Ինձ այդքան դուր է գալիս իմ սենյակում մնալը, որովհետև ես սկսում եմ հեռանալ այս «իրականությունից»»,- իր օրագրում գրել է 14-ամյա պատանին, ում մոտ ավելի վաղ Ասպերգերի համախտանիշի թեթև ձև էր ախտորոշել՝ նրանց հարաբերությունների խորանալուն զուգահեռ։

Որոշ խոսակցություններ ի վերջո սկսեցին ռոմանտիկ կամ սեռական բնույթ ստանալ։ 

Սեթցերը, ի վերջո, սկսեց դժվարություններ ունենալ դպրոցում, որտեղ տուժում էին նրա գնահատականները՝ համաձայն նրա ծնողների կողմից ներկայացված հայցի: Նրա ծնողները գիտեին, որ ինչ-որ բան այն չէ, բայց նրանք պարզապես չգիտեին, թե ինչն է, ուստի պայմանավորվեցին, որ նա այցելի հոգեբանի: Սեթցերը հինգ սեանս է անցկացրել, որից հետո նրա մոտ ախտորոշվել է անհանգստություն և տրամադրության կարգավորման խանգարում:

Տղայի մայրը՝ Մեգան Գարսիան, պատմել է, որ իր որդին դարձել է մի ընկերության զոհ, որը գրավում է օգտատերերին սեռական և ինտիմ խոսակցություններով:

Մի պահ 14-ամյա պատանին համակարգչային ծրագրին խոստովանել է, որ մտածում է ինքնասպանության մասին։ Սեթցերը սեր է խոստովանել «Դանիին» և ասել, որ «տուն կգա» նրա մոտ։

Այնուհետև 14-ամյա պատանին վայր է դրել հեռախոսը և կրակել իր խորթ հոր ատրճանակից։

Նոամ Շազիրը, Character AI-ի հիմնադիրներից մեկը, անցյալ տարի ասաց, որ հարթակը «սուպեր, սուպեր օգտակար կլինի շատ մարդկանց համար, ովքեր միայնակ կամ ընկճված են»:

Ընկերության անվտանգության ղեկավար Ջերի Ռուոտին The New York Times-ին ասել է, որ ընկերությունը կավելացնի անվտանգության լրացուցիչ հնարավորություններ իր երիտասարդ օգտատերերի համար, սակայն հրաժարվել է նշել, թե նրանցից քանիսն են մինչև 18 տարեկան:

Ռուոտին հավելել է, որ Character AI-ի կանոններն արգելում են «ինքնավնասման և ինքնասպանության խթանումը կամ պատկերումը»։

Տիկին Գարսիան այս շաբաթ հայց է ներկայացրել այն ընկերության դեմ, որը, նա կարծում է, որ պատասխանատու է իր որդու մահվան համար:

Բողոքի նախագծում, որը վերանայվել է The New York Times-ի կողմից, ասվում է, որ տեխնոլգիան «վտանգավոր է և չփորձարկված», քանի որ այն կարող է «խաբել հաճախորդներին՝ բացահայտելու իրենց ամենաներքին մտքերն ու զգացմունքները»: