Բրազիլիայում ժայռը փլուզվել է զբոսաշրջիկներով նավակների վրա. կան զոհեր և վիրավորներ (տեսանյութ)
Բրազիլիայի Մինաս Ժերայս նահանգում` Կապիտոլիու քաղաքի մոտ գտնվող կիրճում, երեք զբոսաշրջային նավակի վրա փլուզվել է ժայռի մի մասը:
CNN Brasil-ի փոխանցմամբ՝ դրա հետևանքով զոհվել է հինգ մարդ, մոտ 20-ն անհետ կորած է համարվում։ Նշվում է, որ այդ պահին նավակներում եղել է առնվազն 34 մարդ։
Ողբերգության վայրում 40 ջրասուզակների և փրկարարների մասնակցությամբ որոնողական աշխատանքներ են իրականացվում։
