Ավստրիայի կանցլերը վարակվել է կորոնավիրուսով

Ավստրիայի կանցլեր Կառլ Նեհամերը վարակվել է կորոնավիրուսով։ Վիրուսի առկայությունը հաստատվել է երկու դրական ՊՇՌ թեստերի արդյունքում. հայտնում է APA-ն։

Կանցլերը ենթադրաբար վարակվել է անվտանգության ծառայության աշխատակցից, որի հետ շփում է ունեցել հունվարի 5-ին։ Այժմ կանցլերը գտնվում է կարանտինում և աշխատում է տանից։ Նրա մոտ ախտանշաններ չկան։

Կանցլերի գրասենյակից հայտնել են, որ կառավարության ղեկավարը քովիդի դեմ պատվաստանյութի երեք չափաբաժին է ստացել։

Դեռևս հայտնի չէ, թե կորոնավիրուսի որ շտամով է վարակվել կանցլերը։ Նրա կնոջ և երեխաների թեստերի պատասխանները բացասական են։