ԱՄՆ-ում աշակերտը հրաձգություն է իրականացրել դպրոցում․ կան զոհեր (տեսանյութ)

ԱՄՆ Միչիգան նահանգում 15-ամյա տղան հրաձգություն է իրականացրել դպրոցում։ Զոհվել է 3, վիրավորվել՝ 8 մարդ. այդ մասին հայտնում է CNN-ը։ Ոստիկանները ձերբակալել են նրան, ատրճանակն՝ առգրավել։

Զոհերը 14, 16 և 17 տարեկան աշակերտներ են։ Կրակոցներից տուժել է նաև ուսուցիչը։

Ըստ դպրոցում հայտնաբերված կրակված փամփուշտների՝ իրավապահները կարծում են, որ արձակվել է 15-20 կրակոց։

Ձերբակալության ժամանակ դեռահասը դիմադրություն չի ցուցաբերել, սակայն հրաժարվել է խոսել ոստիկանության հետ։