Մահացել է ԱՄՆ նախկին սենատոր և նախագահի թեկնածու Բոբ Դոուլը

99 տարեկանում մահացել է Երկրորդ համաշխարհային պատերազմի վետերան, ԱՄՆ նախկին հանրապետական ​​սենատոր և 1996 թվականի ԱՄՆ նախագահի թեկնածու Բոբ Դոուլը (Ռոբերտ Ջոզեֆ Դոուլ)։

Այդ մասին ասվում է բարեգործական հիմնադրամի Twitter-ի էջում հրապարակված հաղորդագրությունում։ Իսկ բարեգործական կազմակերպությունը հիմնադրել է քաղաքական գործչի կինը՝ Էլիզաբեթ Դոուլը։

Դոուլը 27 տարի՝ 1969-1996 թվականներին, ներկայացրել է Կանզաս նահանգը ԱՄՆ Սենատում, իսկ մինչ այդ ութ տարի եղել է Ներկայացուցիչների պալատի անդամ։ 1996 թվականի նախագահական ընտրություններում նա հանրապետականների թեկնածուն էր, սակայն պարտվեց դեմոկրատ Բիլ Քլինթոնին, ով վերընտրվեց երկրորդ ժամկետով։

Դոուլն այս տարվա փետրվարին հայտարարել էր, որ իր մոտ թոքերի քաղցկեղ են ախտորոշել. հայտնում է Reuters-ը։