Ամերիկացի դիվանագետները դեռ չեն լքել Ալմաթին
Ալմաթիում ԱՄՆ գլխավոր հյուպատոսության աշխատակիցները դեռ չեն լքել քաղաքը:
«Մենք դեռ տեղեկություն չունենք որևէ մեկի հեռանալու մասին», - ասել է դիվանագիտական ներկայացուցչության աշխատակիցը։
Նրա խոսքով՝ Նուր-Սուլթանում ԱՄՆ դեսպանատունն աշխատում է սովորական ռեժիմով։
«Ալմաթիում մեր անձնակազմը մնում է տեղում՝ փողոցներում շարունակվող բռնությունների պատճառով։ Մենք դիտարկում ենք բոլոր տարբերակները՝ Ալմաթիում մեր անձնակազմի անվտանգությունն ապահովելու համար։ Խիստ զգուշության ստանդարտ պրակտիկայի համաձայն՝ ԱՄՆ Պետդեպարտամենտը հավանություն է տվել Ալմաթիում ԱՄՆ գլխավոր հյուպատոսության անձնակազմի կամավոր հեռանալուն, ում աշխատանքը չի պահանջվում արտակարգ դրության ժամանակ, ինչպես նաև` դիվանագետների ընտանիքի անդամների ցանկության դեպքում։ Մեկնելը պարտադիր չէ», - հայտնել են դիվանագիտական առաքելությունից։
