Հզոր պայթյուն Թուրքիայում

Թուրքիայի երկրի հյուսիս-արևմուտքում գտնվող Սաքարյա նահանգի մակարոնեղենի արտադրամասում պայթյուն է որոտացել, 20 մարդ վիրավորվել է։ «ՌԻԱ նովոստի»-ի փոխանցմամբ, այդ մասին հաղորդում է թուրքական NTV հեռուստաալիքը։

«Անատոլիական Հենդեկ մայրուղու վրա գտնվող մակարոնեղենի արտադրամասում անհայտ պատճառով պայթյուն է տեղի ունեցել, գործարանում հաղորդագրությունը ստանալուց հետո բազմաթիվ շտապօգնության մեքենաներ և հրշեջ բրիգադներ են ուղարկվել դեպքի վայր»,- հայտնել է հեռուստաալիքը։

Հեռուստաալիքի հաղորդման համաձայն, պայթյունի հետևանքով նախնական տվյալներով տուժել է 20 մարդ։

Նշվում է, որ տուժածներին բժշկական խմբերը տեղափոխել են մոտակա հիվանդանոցներ։ Հրշեջ-փրկարարները շարունակում են մարել գործարանի հրդեհը։