Կառավարությունը 409 մլն դրամ հատկացրեց, որպեսզի ԱԱԾ-ն ավելի արդյունավետ աշխատի

Կառավարությունն իր այսօրվա  նիստում որոշեց 2024-ի բյուջեով հատկացված կառավարության  պահուստային ֆոնդից 409 մլն 639 հազար դրամ ուղղել Հայաստանի ԱԱԾ-ին:

Որոշման հիմնավորման մեջ նշվում է, որ այս որոշման ընդունումը  պայմանավորված է ազգային անվտանգության մարմինների բնականոն գործունեության ապահովման անհրաժեշտությամբ:

Այս որոշման արդյունքում առավել արդյունավետ կիրականացվեն ծառայության առջև դրված խնդիրների լուծման աշխատանքները: