Ռուսական զորքերը մաքրում են Ղազախստանն ահաբեկիչներից. ՀԱՊԿ
Ղազախստան ուղարկված Հավաքական անվտանգության պայմանագրի կազմակերպության հավաքական ուժերի առաջավոր ստորաբաժանումները սկսել են իրենց առջեւ դրված խնդիրները կատարել երկրում, հայտնում է ՀԱՊԿ քարտուղարությունը։
Ըստ տեղեկությունների՝ ռուսական օդադեսանտային զորքերը մտել են Ղազախստան ուղարկված ՀԱՊԿ խաղաղապահ ուժերի կազմում, իսկ օդատիեզերական ուժերի ինքնաթիռները զորքերը տեղափոխում են հանրապետություն։
Ղազախստանում ՀԱՊԿ-ի հավաքական ուժերի հիմնական խնդիրները լինելու են պետական և ռազմական օբյեկտների պաշտպանությունը, օգնությունը իրավիճակի կայունացման գործում։
