Մինչև 2024-ի վերջ բոլոր ոչ վրացալեզու մանկապարտեզներում և դպրոցներում կներդրվի երկլեզու կրթության մոդելը

Էթնիկ փոքրամասնություններով խիտ բնակեցված տարածաշրջաններում վրաց լեզվի իմացության առնչությամբ մարտահրավերներին ի պատասխան սահմանված խնդիրները ուղղված են պետական լեզվի հանրահռչակմանը և գիտելիքների մակարդակի բարձրացմանը: Այս մասին հաշտեցման և քաղաքացիական իրավահավասարության հարցերով պետնախարարի պաշտոնի թեկնածու Թեա Ախվլեդիանին, հայտարարել է Վրաստանի խորհրդարանի հանձնաժողովների համատեղ նիստում, հաղորդում է 1tv.ge-ն:

Թեա Ախվլեդիանիի խոսքով, նախատեսվող համալիր միջոցառումները նախատեսում են առկա մոտեցումների, ինչպես նաև կրթական ռեսուրսների որակի բարելավում և ուսուցիչների համապատասխան որակավորումների ապահովում։

«Ցանկանում եմ ձեզ տեղեկացնել մեր երկրում բնակվող էթնիկ փոքրամասնությունների քաղաքացիական իրավահավասարության և ինտեգրման պետական քաղաքականության մասին, որի նպատակն է ապահովել լիարժեք մասնակցություն, հավասար միջավայր և հնարավորություններ Վրաստանի բոլոր քաղաքացիների համար՝ անկախ նրանց էթնիկ պատկանելությունից, բոլոր ոլորտներում։

Այս ուղղությամբ դրված խնդիրներն ուղղված են միասնական, բազմամշակութային հասարակության ամրապնդմանը, որի յուրաքանչյուր անդամ հավասար է։ Քաղաքացիական իրավահավասարության և ինտեգրման տասնամյա պետական ռազմավարությունը նշված քաղաքականության հիմնական մեխանիզմն է։ Պետական լեզվի իմացությունը համարվում է անձնական և մասնագիտական զարգացման հավասար հնարավորությունների, քաղաքացիական և քաղաքական լիարժեք մասնակցության, տարբեր էթնիկ խմբերի միջև հաղորդակցության և մշակույթը կիսելու ապահովման նախապայման: Հետևաբար, դա մեր էթնիկապես բազմազան հասարակության լիարժեք ինտեգրման հիմքն է: Էթնիկ փոքրամասնությունների ներկայացուցիչներով խիտ բնակեցված շրջաններում վրացերենի իմացության առումով առկա մարտահրավերներին ի պատասխան սահմանված խնդիրները ուղղված են պետական լեզվի հանրահռչակմանը և գիտելիքների մակարդակի բարձրացմանը, ինչպես նաև որակյալ կրթության հասանելիության բարելավմանը։ Նախատեսված համալիր միջոցառումները նախատեսում են ինչպես առկա մոտեցումների որակի բարելավում, այնպես էլ դասավանդման ռեսուրսները և համապատասխան որակավորումներով ուսուցիչների ապահովում։

Վրացերենի ուսուցման հնարավորությունները մեծացնելու նպատակով մինչև 2024 թվականի վերջ բոլոր ոչ վրացալեզու մանկապարտեզներում և դպրոցներում կներդրվի երկլեզու կրթության մոդելը՝ երկլեզու ծրագիրը։ Մեր ռազմավարական տեսլականի իրականացման արդյունքում մինչև 2030 թվականը բոլոր ոչ վրացալեզու դպրոցների շրջանավարտների մեծ մասը կիմանա վրացերենը։ Վրացերենի ուսուցմանն ուղղված ջանքերին զուգահեռ կշարունակվի աջակցել էթնիկ փոքրամասնությունների մայրենի լեզուների ուսուցմանը, այդ թվում՝ փոքր էթնիկ խմբերի համար՝ տեղական համայնքի խնդրանքով։ Հաշվի առնելով առկա կարիքները և ծրագրի համալիր հետազոտությունների արդյունքները՝ 1+4 ծրագիրը կհարմարեցվի՝ որակյալ բարձրագույն կրթություն ստանալու հնարավորություններ զարգացնելու և դրա արդյունավետությունը բարձրացնելու նպատակով։ Մասնակցությունը մասնագիտական կրթությանը կշարունակվի խթանել՝ առաջարկելով վրացերենի ծրագրեր և ներդնելով մասնագիտական հմտություններ ոչ վրացական դպրոցներում: Կրթության մատչելիության առումով կրթական ենթակառուցվածքների բարելավման լայնածավալ նախագիծը բեկումնային է լինելու։ Քվեմո Քարթլիի, Սամցխե-Ջավախեթիի և Կախեթիի շրջաններում անցած տարի ավարտվել է ավելի քան 20 ծրագիր, այս տարի նախատեսվում է 14 մանկապարտեզների և 13 հանրակրթական դպրոցի շինարարական/վերականգնողական աշխատանքներ»,- ասել է Թեա Ախվլեդիանին։