Բորելն Ուկրաինայում ասել է, որ կախարդական փայտիկ չունի
Եվրամիությունը սպառել է իր զենքի պաշարը և կախարդական փայտիկ չունի, որի միջոցով կարողանա ավելի շատ զինամթերք տրամադրել Կիևին, ուկրաինական «Рада» հեռուստաալիքի եթերում ասել է ԵՄ արտաքին քաղաքականության և անվտանգության հարցերով բարձրագույն ներկայացուցիչ Ժոզեպ Բորելը։
«Ձեզ ավելի շատ է պետք, և մենք էլ պետք է ավելի շատ տանք, բայց ես կախարդել չգիտեմ։ Ես կախարդական փայտիկ էլ չունեմ։ Եվրամիության պաշտպանական արդյունաբերության հնարավորությունները սուղ էին»,- ասել է Բորելը։
Նա նշել է նաև, որ Ուկրաինային են տրամադրվել բոլոր արկերը, որոնք պահվում էին ԵՄ անդամ երկրների արսենալներում։
Ավելի վաղ Ուկրաինայի պաշտպանության նախարար Ռուստեմ Ումերովը նամակ էր գրել ԵՄ-ի իր գործընկերներին՝ ահազանգելով Ուկրաինայի զինված ուժերում զինամթերքի ծայրահեղ պակասի մասին։
